Emigrantët zgjedhin Kanadanë në vend të SHBA-së – Toronto po kthehet në një superfuqi e teknologjisë falë punës së tyre

Reputacioni i Silicon Valley si qendra kryesore e teknologjisë në botë mund të jetë në rrezik për shkak të ligjeve kufizuese të emigracionit të Shteteve të Bashkuara.

Dhjetëra mijëra punëtorë emigrantë të teknologjisë janë mbledhur në Toronto në vitet e fundit, duke e bërë atë qendrën e teknologjisë më të shpejtë në zhvillim në Amerikën e Veriut.

Shumë prej tyre me qëllim po shmangin SHBA-në pasi administrata Trump shtrëngon emigrimin. Në qershor, Presidenti Donald Trump pezulloi përkohësisht vizat e njohura si vizat H-1B, të cilat u jepen mijëra punëtorëve emigrantë të aftë çdo vit.

Çdo vit, qeveria amerikane rezervon 85,000 viza H-1B për profesionistë të aftë të huaj, njerëz si Elon Musk, i cili ka lindur në Afrikën e Jugut dhe filloi kompani të tilla si Tesla dhe SpaceX në SHBA.

Këtë vit, ligjet e imigracionit ndryshuan papritur ndërsa Trump pezulloi programin, duke përmendur “një kërcënim të pazakontë për punësimin e punëtorëve amerikanë” gjatë pandemisë. Masa la mijëra emigrantë në harresë.

Por ndërsa SHBA po mbyll dyert, Kanadaja ka qenë duke mirëpritur emigrantë. Që nga viti 2013, numri i vendeve të punës të teknologjisë në Toronto është rritur nga rreth 148,000 në 228,000, një rritje prej 54%.

Sipas një studimi të vitit 2016, 25% e fuqisë punëtore të Kanadasë janë emigrantë. Dhe në hapësirën e teknologjisë, ky numër është edhe më i lartë me rreth 40%, ose 350,000 punëtorë.

Kjo është arsyeja pse Kanada po përpiqet të tërheqë profesionistë të huaj të kualifikuar, përmes programeve të vizave, si Global Talent Stream, i nisur në vitin 2017. Ekspertët e Emigracionit thonë se është si programi H-1B, por shumë më mirë.