Irak, nga viti 2003 deri më tani janë vrarë 455 gazetarë

Që nga viti 2003 deri më tani janë vrarë 455 gazetarë në Irak. Vetëm gjatë këtij viti kanë vdekur 20 gazetarë.

Sipas raportit të përgatitur nga Sindikata e Gazetarëve të Irakut, mësohet se në vitin 2016 janë vrarë nga organizata terroriste ISIS 20 gazetarë dhe shumica prej tyre në Mosul.

Gjithashtu thuhet se gazetarët në vitin 2016 në Irak janë përballur me shumë tragjedi dhe dhimbje. Veç kësaj kanë vazhduar atentatet dhe kërcënimet me vdekje kundër gazetarëve. Iraku konsiderohet si vendi më i rrezikshëm për përfaqësuesit e mediave.