Ja cili Kryeministër do takohet me Donald Trump? (FOTO)

Prej që kur fitoi votat për të qenë President i SHBA-ve, lajmet mbi Donald Trump nuk kanë të ndalur. Urimet por dhe komentet e liderëve ane mbarë botës, nuk munguan ndaj fitores dhe deklaratave të Presidentit të 45-së të Shteteve të Bashkuara të Amerikës.

Kuriozitet është se kush Kryeministër, do ta takojë Trump? Duket se do të jetë japonezi, Shinzo Abe ai i cili u nis sot për Nju Jork ku do të takojë presidentin e zgjedhur të SHBA-së, Donald Tramp. Deklaratat e të cilit gjatë fushatës vunë në pikëpyetje angazhimin ushtarak amerikan në Azi.

“Është një nder për mua të takoj presidentin e zgjedhur Tramp para drejtuesve të botës”, deklaroi Abe për shtypin.

“Do të diskutoj me presidentin Tramp ëndrrat tona për të ardhmen”, shtoi ai. Gjatë fushatës së tij, kandidati republikan kishte parashikuar tërheqjen e ushtarëve amerikanë në jug të Gadishullit Korean dhe arkipelagut japonez në mungesë të një rritjeje domethënëse të kontributit financiar të dy vendeve. Ai nuk hezitoi të linte të kuptonte publikisht se do të ishte e preferuar që këto shtete të pajiseshin me armë atomike.

“Aleanca mes Japonisë dhe SHBA-së është guri i themelit i diplomacisë dhe sigurinë në Japoni”, theksoi Abe në aeroport duke shtuar se aleanca nuk mund të funksionojë pa besimin e ndërsjellë. “Dëshiroj të ndërtoj një marrëdhënie besimi me Tramp dhe të punojë ngushtë me të për paqen dhe prosperitetin e botës”.