Këshilli i Sigurimit i OKB-së, mbledhje urgjente për situatën në Kabul

Situata në Afganistan, aty ku Presidenti ka lënë vendin dhe talebanët kanë marrë kontrollin e shtetit, ka bëtë që Këshilli i Sigurimit i Kombeve të Bashkuara të mblidhet ditën e nesërme (16 gusht), për të diskutuar dhe për ti dhënë zgjidhje.

Lajmin e bëri të ditur një burim diplomatik për CNN. Sekretari i Përgjithshëm i OKB-së, António Guterres pritet të informojë Këshillin me konsultimet private që do të pasojnë.

Në fjalimet e së Premtes, Guterres u bëri thirrje talebanëve të ndalojnë ofensivën e tyre në Afganistan dhe nuk u përgjigj drejtpërdrejt kur u pyet se çfarë do t’u thoshte atyre që mendojnë se Afganistani është braktisur nga bashkësia ndërkombëtare.