Kherson/ Protestë nga qindra qytetarë kundër rusëve

Qindra persona morën pjesë në një protestë në qytetin ukrainas, Kherson, kundër pranisë të trupave ruse, që tashmë kanë marrë kontrollin e pjesës më të madhe të rajonit.

Një video që është shpërndarë në rrjetet sociale, tregon protestuesit që largohen nga sheshi me shpejtësi për shkak të gazit lotsjellës të hedhur nga rusët për t’i shpërndarë ata.

Protestuesit mbanin në duar flamujt kombëtar të Ukrainës dhe thërrisnin parrulla kundër pushtuesve ruse.