Kishat në Itali janë bosh, nuk ka më besimtarë që të pagëzohen apo dhe martohen
Bota E Enjte, 17 Gusht 2023 17:27
Gjithmonë e më shumë, kisha në Itali janë bosh. Në vitin 2022, u arrit minimumi historik i frekuentimit vetëm 18,8% e popullsisë merr pjesë në një rit fetar të paktën një herë në javë, ndërsa 31%, janë ata që në të 12 muajt e vitit nuk kanë hyrë kurrë në një vend kulti, përveç një ngjarjeje të veçantë, si dasma apo funerali.
Gjatë 20 viteve, praktika fetare në Itali ka pësuar një rënie të vazhdueshme, deri në përgjysmim. Sipas të dhënave të ISTAT, ajo ka shkuar në 18.8% në 2022, nga 36.4% që ishte në vitin 2001.
Pagëzimet kanë rënë nga 37-38 mijë në vitet 2000 në 20 mijë aktualisht. Për dasmat në dioqezë, nga 18 mijë në vit në vitet 1990 ka shkuar sot në 4000.
