Lidhje mes personave të arrestuar të entjen dhe xhihadistëve të sulmeve në Paris

Prokuroria e Parisit njoftoi sot se ka lidhje mes personave të arrestuar dje në France që dyshohen se kanë përgatitur një atentat dhe sulmet e mëparshme xhihadiste në vend.

“Një nga tre gratë e arrestuara në periferinë pariziane, e moshës 23 vjeçare, ishte ish e premtuara e xhihadistit që therri policët në qershor në Magnanville, pranë Parisit, më pas e autorit që sulmoi një kishë në veri në korrik”, thekson François Molins gjatë një konference për shtyp.

Për më tepër, një djal i ri 22 vjeç, i marrë në pyetje dje, është vëllai i një personi të dënuar dhe burgosur në kuadër të hetimit mbi atentatin në Magnaville.