Maqedoni – Sela lë drejtimin e komunës së Strugës për parlamentin

Kryetari i Strugës Ziadin Sela lëshoi kolltukun e Komunës për tu kthyer në Kuvend si deputet i Aleancës për Shqiptarët.

Ai tha se në zgjedhjet e 11 dhjetorit nga qytetarët mori besimin për ti përfaqësuar si deputet.

Në një deklaratë për Alsat M Sela nuk përjashtoi mundësinë që në zgjedhjet e ardhshme lokale të rikandidohet për kryetar të Strugës.

Ushtrues detyre kryetar i Strugës deri në zgjedhjet lokale është emëruar anëtari i deritanishëm i Këshillit të qytetit, Mustafa Zabzuni.

Drejtimin e Strugës Ziadin Sela e mori në zgjedhjet e vitit 2014 si kandidat i PDSH-së.

Më pas Sela formoi Lëvizjen për Reforma PDSH. Gjatë qeverisjes me Komunën Ziadin Sela akuzonte vazhdimisht Qeverinë për obstruksione që ekzekutivi i bënte qytetit të Strugës./Alsat-M/