Zëvendëskryeministri i Italisë, Matteo Salvini është shprehur se nëse Donald Trump arrin t’i japë fund luftës në Ukrainë, pasi të fillojë punën në krye të Shtëpisë së Bardhë, atëherë ai meriton Nobelin për Paqe.
Përmes një postimi në rrjetin social “Facebook”, Salvini shprehet se nëse premtimi i tij bëhet realitet bota do të siguronte një të ardhme më të qetë.
“Presidenti i sapozgjedhur Donald Trump duhet të marrë çmimin Nobel për Paqen nëse ai arrin t’i japë fund konfliktit midis Rusisë. Përveç shpëtimit të jetëve, kjo do të na sillte një të ardhme më të qetë në krahasim me atë që demokratët na kanë lënë deri tani”, shkruan zëvendëskryeministri i Italisë.
Gjatë fushatës së tij, Trump ka përsëritur shpesh se nëse rizgjidhet president i SHBA, do t’i japë fund luftë në Ukrainë brenda 24 orëve” të nisjes së detyrës, përmes një marrëveshjeje të negociuar.