Mrekulli në Tajlandë/ Të zhdukur prej 9 ditësh në shpellë, gjenden gjallë 12 djemtë (Foto+Video)

Gjenden gjallë 12 djemtë të cilët së bashku trajnerin e tyre u shpallën të humbur në një shpellë në Tajlandë që prej datës 23 qershor.

Djemtë, nga 11-16 vjeç, janë pjesë e së njëjtës skuadër futbolli, të cilët së bashku me trajnerin e tyre kishin shkuar për të eksploruar shpellën e ndërlikuar të “Tham Luang Nang Non”, ku janë bllokuar pasi janë zënë në befasi nga një vërshim i papritur ujit nga shirat e shumtë shkruan Daily Mail.

Punonjësve vendas të emergjencës u kanë ardhur në ndihmë edhe dy ekspertë britanikë, të cilët mendojnë se kalimi nga tunelet e sipërme duket më premtues, pasi kalimet poshtë janë bllokuar nga ujërat e përmbytjeve.

“Ata janë të gjithë të sigurt, por misioni nuk ka përfunduar ende. Misioni ynë është të kërkojmë, t’i shpëtojmë dhe të kthehemi, pasi deri tani vetëm sa i kemi gjetur ata.

Misioni i ardhshëm është t’i nxjerrin nga shpella dhe t’i dërgojnë në shtëpi,” tha guvernatori i Chiang Rai në një konferencë shtypi në qendrën e komandës në hyrje të shpellës.

Guvernatori tha se ata do të vazhdojnë të nxjerrin ujin nga shpella ndërsa do të dërgojnë mjekë dhe infermierë brenda në shpellë për të kontrolluar shëndetin e djemve dhe trajnerit të tyre.