Ndryshimi vjen nga Estonia, për herë të parë ka një grua si kryeministre

Estonia për herë të parë në historinë e saj është bërë me Kryeministre femër. Sipas ”Euronews”, dy partitë më të mëdha në Estoni kanë rënë dakord për të formuar qeverinë e re me në krye të saj Kaja Kallas.

Votimi për anëtarët e qeverisë është bërë ditën e djeshme nga Këshilli i Partisë së Qendrës së Djathtë, nga partia e reformës dhe nga këshilli i partisë së Qendrës. Kaja Kallas, e cila drejton Partinë e Reformës do të marrë pushtetin në Estoni deri sa të mbahen zgjedhjet e ardhshme.

Të dyja partitë “do të formojnë qeverinë, e cila do të vazhdojë të përballet me krizën e pandemisë, do ta çojë përpara Estoninë dhe do të zhvillojë të gjitha zonat dhe rajonet e shtetit tonë”, janë shprehur partitë përmes një deklaratë të përbashkët.