Në 10 vite, Turqia ka dëbuar mbi 8.500 luftëtarë. Dyshime për terrorizëm

Në gati 10 vite, Turqia ka dëbuar më shumë se 8.500 luftëtarë të huaj. Të dyshuarit për terrorizëm ishin nga 102 vende, përfshirë 44 nga Shtetet e Bashkuara dhe 1.075 nga shtetet e BE-së.

Në dhjetë muajt e parë të vitit 2021 në tetë vende të BE-së janë deportuar 61 të dyshuar. Autoritetet turke thanë se dëbimi i gjithsej 8.585 luftëtarëve u bë si rezultat i përpjekjeve të vendit për të ofruar siguri brenda dhe jashtë kufirit që nga viti 2011.

Këta persona ishin larguar nga vendet e tyre për t’iu bashkuar grupeve militante si Shteti Islamik dhe Partia e Punëtorëve të Kurdistanit (PKK), si dhe dega e saj në Siri.

Që nga viti 2016, Turqia ka ndërmarrë tre operacione ushtarake në veri të Sirisë dhe ka një prani të forcave të saj në provincën veriperëndimore të Idlibit, si dhe zona të tjera brenda kufirit sirian.