Nesër me sytë nga qielli, do shihni super hënën e fundit për 2023
Bota E Enjte, 28 Shtator 2023 19:48
Hëna e plotë do të shkëlqejë në orët e para të mëngjesit të 29 shtatorit, duke shënuar gjithashtu super-hënën e katërt dhe të fundit të vitit 2023.
NASA njofton se hëna e plotë e shtatorit do të arrijë kulmin e ndriçimit rreth orës 5:58 të mëngjesit të së premtes, por pritet të shfaqet tërësisht e ndriçuar deri të shtunën në mëngjes.
Hëna e plotë e shtatorit do të duket rreth 5% më e madhe dhe 13% më e ndritshme se hëna e plotë mesatare. Super-hëna më e afërt e vitit ndodhi më 30 gusht, kur Hëna ishte vetëm 221,954 milje (357,200 kilometra) larg Tokës.
