Ngërçi politik në Malin e Zi, Abazoviç takohet me kryepeshkopin e kishës Serbe

Zv/kryeministri i Malit të Zi, Dritan Abazoviç pati një takim me kryepeshkopin e kishës Ortodokse Serbe Porfirije. Ai u shpreh i gatshëm të për nënshkruar marrëveshjen themelore me patriarkanën e kishës Serbe.

Mediat malazeze shkruajnë se qëndrimet e kreut të Kishës së Shën Savës kushtëzojnë mbështetjen e tij për qeverinë e pakicës që po tenton të themelohet nga Abazoviç.

Lidhur me bisedimet mes tyre, asnjëri nuk pranoi të prononcohej për publikun duke thënë se këto biseda ishin private. Qeveria aktuale e Malit të Zi ka hyrë në konflikt me Kishën Ortodokse Serbe lidhur me kontrollin e qendrës kishtare ortodokse në vend.