Pas Greqisë, tërmeti 6 ballësh shkund Turqinë, panik te qytetarët

Pas Greqisë, tërmetet kanë tronditur këtë mesditë Turqinë. Mediet turke raportojnë se dy tërmete të njëpasnjëshme me magnitudë 4.2 dhe 6 ballë të shkallës Rihter kanë shkaktuar panik të madh te qytetarët.

Lëkundjet janë regjistruar rreth orës 13:30 në Turqinën perëndimore, ndërsa epiqendra ishte në zonën e Denizlisë.

Tërmeti 6 ballësh është ndjerë thuajse në të gjithë Turqinë qendore dhe perëndimore, duke i kujtuar turqve tërmetin e frikshëm të gushtit 1999, që shkaktoi mijëra të vdekur. Momentalisht raportohet vetëm për dëme materiale dhe jo në njerëz.