Pengje dhe viktima në Bangladesh, ISIS merr përgjegjësinë e sulmit

Një grup personash të armatosur kanë sulmuar një restorant të famshëm në kryeqytetin e Bangladeshit dhe mendohet se deri tani janë mbi 20 viktima, të cilët fillimisht ishin marrë peng. Mediat shkruajnë se dy prej viktimave mendohet se janë shtetas italianë.

Në vendin e ngjarjes kanë mbërrritur menjëherë forca të shumta sigurie, ndërkohë që deri më tani raportohet gjithashtu për pesë të plagosur, mes të cilëve dy oficerë policie.

Sulmi u ekzekutua në një zonë ku qëndrojnë zakonisht turistët ndërkohë që mediat shkruajnë se Shteti Islamik ka marrë përgjegjësinë e sulmit.

Megjitahtë, dëshmitarët janë shprehur se gjatë momentit që hynë në restorant, ekstrëmistët bërtitën fraza të besimit islam. Ndërkohë, mediat lokale raportojnë se bëhet fjalë për nëntë agresorë që ndodhen në ambientet e godinës.