Perandori japonez Akihito pezullon aktivitetet pas një anemie cerebrale

Perandori japonez, Akihito, 84 vjeç, vuan nga anemia cerebrale dhe mjekët kërkuan një periudhë pushimi për të, çka do të thotë pezullim i aktiviteteve perandorake.

“Madhëria e tij, perandori Akito është ndjerë shumë keq rreth orës 04:00, shoqëruar me të vjella, marrje mendsh dhe djersitje si shkak i një anemie cerebrale”, tha zëdhënësi Yoshihide Suga gjatë një prononcimi të rregullt për shtyp.

“Aktivitetet e parashikuara gjatë ditës së sotme u anuluan pas Akihito ka nevojë të pushojë. Asgjë nuk është vendosur akoma për ditët në vijim”, saktësoi Suga.

Akihito, perandori i 125-të i Japonisë, është në fron që prej janarit të vitit 1989.
Ai normalisht duhet të lërë detyrën në fund të prillit të ardhshëm sipas një ligji special që e autorizon për të hequr dorë nga të gjitha funksionet e tij, shkruan atsh.

Në gusht të vitit 2016, Akihito kishte dhënë një deklarata të pazakontë në televizion duke shfaqur shqetësimin e tij për rreziqet e mospërmbushjes së detyrimeve që i përkasin funksionit të simbolit të popullit dhe unitetit të kombit.