“Përbindëshi” gjigant terrorizon lundruesit, u kalon fare pranë (VIDEO)

Një grup me njerëz po lundronin me varkë në një port të Isle of Man në Britaninë e Madhe kur kuptuan se pranë tyre ndodhej një peshkaqen i madh.

Instruktorja e lundrimit, Jennifer Kneale, u kërkoi të gjithëve të qëndrojnë aty ku janë dhe të bëjnë lëvizje minimale për të mos e shqetësuar, ndërsa gjallesës gjigante i shihej vetëm krahu mbi sipërfaqe.

“Të gjithë ishim të befasuar, se sa afër nesh po kalonte, ndërsa nuk kreu ndonjë veprim për të na shqetësuar”, ka thënë 37-vjeçarja për ngjarjen.

Në video mund të shihni lëvizjen e kësaj gjallese, që mbante gojën hapur dhe ushqehej në ujin e pasur me shumë alga.