Përplasja për refugjatët, Merkel arrin marrëveshjen me ministrin e Brendshëm

Pas përplasjeve në lidhje me çështjen e refugjatëve, Kancelarja gjermane, Angela Merkel dhe ministri i Punëve të Brendshme, Horst Seehofer kanë arritur një marrëveshje mes tyre duke mbajtur qeverinë të bashkuar.

Ministri gjerman Horst Seehofer është tërhequr nga planet për të dhënë dorëheqjen në lidhje me mosmarrëveshjen mbi politikat migratore, duke konfirmuar marrëveshjen e arritur me kancelaren, Angela Merkel.

Horst Seehofer ka kërcënuar të japë dorëheqjen si ministër dhe si kreu i CSU-së mbrëmjen e së dielës, pasi akuzoi kancelaren Angela Merkel për dështimin e kërkesave të partisë së tij mbi kontrollin e kufirit gjatë samitit të fundit të BE-së.