Putin: “BE-ja një diktaturë”, qorton Brukselin

Presidenti i Rusisë, Vladimir Putin ka vënë në qendër të akuzave Bashkimin Europian. Putin është shprehur se vende brenda bllokut ndihen të papërfshira në vendimet kyçe që merr BE-ja.

Duke pretenduar se ishin “europianët” ata që vendosnin se çfarë ishte më e mirë për ta, ai pretendoi se tashmë Bashkimi Europian ka një kontroll të rreptë mbi shtetet anëtare, më shumë se sa Këshilli i Lartë i Bashkimit Sovjetik.

Këto reagime të forta vijnë pasi Presidenti Rus është akuzuar për komplot për rënien e bllokut, me mbështetjen e Presidentit bullgar Rosen Plevneliev, që kanë plane për të pushtuar Europën.

Putin tha: “Ata kanë kombet sovrane me një superstrukturë të vogël, ose ata kanë një shtet kuazi-federalist. Këto janë dy koncepte për Europën. Ata marrin më shumë vendimet e Brukselit, siç Këshilli Suprem në Bashkimin Sovjetik bëri në një nivel të lartë të federalizimin. Unë nuk e di nëse është e mira apo e keqja për Europën por kjo varet nga europianët. pasi ata vendosin për këtë”.

Duke ju refruar krizës së emigrantëve dhe politikës gjermane pro saj, Putin theksoi edhe se:”Ka disa vende në Europë që kundërshtojnë politikën aktuale pro emigrantëve dhe ata duan të jenë të përfshirë në vendime. Ata mendojnë se këto vendime janë të papranueshme”.

Putin foli për Bashkimin Europian gjatë konferencës së tij vjetore për shtyp, duke zbuluar se ai donte që bashkimi të “flasë me një zë”, dhe do të ishte po aq e lehtë për Moskës për të arritur deri te vendet individuale.

Gatishmëria e Presidentit për t’u angazhuar me shtetet individuale, mund të shërbejë si ngushëllim për vendet që duan të punojnë me Rusinë, pavarësisht sanksioneve ekonomike e unionit rreth aneksimit të Moskës të Krimesë në Ukrainë.

Putin  gjithashtu shtoi edhe se: “Natyrisht ne duam që Europa të flasë me një zë, ne duam të kemi një partner që ne mund të flasim. Kjo është ajo që ka rëndësi për ne, por në qoftë se ne nuk kemi një partner të tillë, ne vetëm do të flasim në mënyrë bilaterale me secilin nga vendet europiane veç e veç”.

Brumi: Daily Express/Përshtati: Redjon Shtylla