Rekord në Gjermani: 17,1 milionë banorë me rrënjë të huaja

Në Gjermani jetojnë më tepër se kurrë më shumë njerëz me rrënjë të huaja. Më 2015 ishin 17,1 milionë persona me sfond emigracioni, e citon Reuters Entin Federal të Statistikave. Kjo i bie 4,4% më tepër se një vit më parë. Hisja e tyre në numrin e përgjithshëm të popullatës është 21%.

Sipas statisticienëve, kjo shpjegohet me numrin e lartë të imigrantëve. Vitin e kaluar në Gjermani jetonin 11,5 milionë të ardhur, me këtë 5,5% më shumë se më 2014-tën.

Vendet nga vijnë numri më i madh i migrantëve në Gjermani vijnë nga Turqia, Polonia dhe Federata Ruse, informon Enti. 6,3 milionë banorë gjermanë rrënjët i kanë në vende nga të cilët më parë është rekrutuar fuqi punëtore – para së gjithash Turqia, Italia dhe Greqia. Mesatarisht popullata me sfond emigracioni në Gjermani është më e re se përpara. Çdo i treti banor ndër 18 vjeç ka prejardhje të huaj, ndërsa hisja e këtyre te mbi 65-vjeçarët është nën 10%. Dallime ka edhe në nivelin e shkollimit dhe në pozicionimin në tregun e punës.

Personat me sfond emiracioni shpesh nuk kanë diplomë apo kanë kryer vetëm shkollim €llor. Në anën tjetër tre€sh më shumë nuk kanë diplomë profesionale. Kurse diploma universitare kanë të dyja grupet njëlloj. Grupmosha 25 deri 65-vjeçare e atyre me sfond migracioni janë më rrallë në një marrëdhënie pune, dy€sh më shpesh, punëtorë dhe po kaq shpesh nëpunës apo zyrtarë.