Renzi, kryeministrave të vendeve të BE: Nuk mund të jeni të denjë të quheni europianë

Kujtim VANI

Qeveria greke dhe ajo italiane i kanë kërkuar BE-së transferimin dhe shpërndarjen e 40 mijë emigrantëve të paligjshëm nga vendet e tyre drejt vendeve të tjera të Bashkimit Europian. Kryeministri italian Matteo Renzi dje gjatë punimeve të Samitit Europian në Bruksel, ka kritikuar udhëheqësit e vendeve të BE-së, për paaftësinë e tyre për të rënë dakord mbi planin e propozuar që do tu jepte mundësinë Greqisë dhe Italisë për të shpërndarë 40 mijë emigrantë në vende të tjera, duke i akuzuar homologët se nuk janë të denjë të quhen evropianë.

"Nëse ju nuk jeni dakord nuk jeni të denjë të quheni evropianë", u tha Renzi udhëheqësësve të vendeve anëtare të Bashkimit Europian, në takimin e samitit. "Nëse ky është koncepti juaj në lidhje me çfarë do të thotë Evropë, mund ta mbani. Nëse ka solidaritet mos të humbim kohën tonë, "tha Renzi.