Rreziku i një lufte në Europë më pranë se kurrë më parë

Europa është më pranë luftës. Atmosfera në Bruksel është e tensionuar. Ka frikë reale se Europa mund të shkojë drejt krizës më të keqe të sigurisë në dekada.

“Ne vazhdojmë të punojmë për të përgatitur sanksione në rast se, edhe pse informacionet e inteligjencës na bëjnë të besojmë se përderisa negociatat vazhdojnë dhe grumbullimi ushtarak i Rusisë nuk është plotësuar, mundësia e një sulmi masiv kundër Ukrainës nuk është skenari më i mundshëm. Ka metoda të tjera sulmuese, si sulmet kibernetike, si ai që pësoi qeveria ukrainase në disa prej sajteve të saj”, tha shefi i diplomacisë së jashtme të BE-së, Josep Borrell.

Rusia po përgatit një pretekst për një sulm të ri ndaj Ukrainës, të cilës i aneksoi Krimenë në vitin 2014. Moska hedh poshtë çdo plan pushtimi, por ka paralajmëruar se mund të marrë veprime të paspecifikuara ushtarake derisa Shtetet e Bashkuara dhe NATO të pranojnë listën e kërkesave, duke përfshirë mosanëtarësimin e Ukrainës në aleancë.

Britania e Madhe po furnizon Kievin me armatime për vetëmbrojtje si raketa antitank me rreze të shkurtër.