Serbia shpërblen me 30 dollarë çdo qytetar që bën vaksinën ndaj Covid

Presidenti i Serbisë Aleksandër Vuçiç ka njoftuar ditën e sotme se do të shpërblejë me 30 dollarë çdo qytetar që bën vaksinën Covid. Kjo skemë do të aplikohet për çdo person mbi 16 vjeç brenda muajit maj dhe qëllimi i saj është rritja e mëtejshme e imuntetit kolektiv dhe për këtë Vuçiç u shpreh se vendi donte të shpërblente njerëzit që tregohen të përgjegjshëm.

“Jam konsultuar edhe me kryeministren. Kemi menduar t’i shpërblejmë ata që tregohen të përgjegjshëm, që të arrijmë imunitetin kolektiv”- tha ndër të tjera presidenti serb. Gjithashtu, një skemë e ngjashme është përdorur edhe nga disa kompani që u kanë ofruar punonjësve stimuj për të marrë vaksinën Covid.