‘Shifër rekord’ – Asnjë refugjat i vetëm nuk është zhvendosur në SHBA muajin e kaluar

Për herë të parë që nga fillimi i regjistrave, numri i refugjatëve të zhvendosur në SHBA nga muaji i kaluar ka qenë zero.

Departamenti ka lëshuar një tavan pranimesh prej 18,000 personash për vitin financiar 2020, më i ulti në pothuajse 30 vjet, dhe shumë më pak se numri i personave të zhvendosur tashmë të cilët sa vijnë e ulen për shkak të qindra fluturimeve të anuluara dhe akoma më shumë pasiguri për mijëra refugjatë që shpresojnë të zhvendosen në SHBA.

OKB vlerëson se ka rreth 26 milion refugjatë në të gjithë botën, shumë prej të cilëve janë viktima të torturës ose gra dhe vajza që largohen nga persekutimi ose dhuna. Të tjerët mund të jenë viktima të luftës në Siri, ku tërheqja e trupave amerikane ka krijuar kaos dhe shkatërrim të mëtejshëm.

Në mesin e viteve 1960, vitet e para të programeve moderne të refugjatëve, sipas Qendrës për Studime të Migracionit, përfaqësuesi amerikan në Kombet e Bashkuara, përshkroi trajtimin e duhur, të ligjshëm të refugjatëve dhe azilkërkuesve si një “kredi” për SHBA, në vend të “një barre”.

Vitet e fundit, qeveria amerikane, i sheh këto detyrime si një dhimbje koke humanitare, që u jep një tarifë të padrejtë taksapaguesve amerikanë.

Në 1980, kur filluan regjistrimet, SHBA pranoi më shumë se 200,000 refugjatë në një vend me rreth 270 milion njerëz. Gati 30 vjet pas, popullsia amerikane është rritur më shumë se 40%, ndërsa numri i refugjatëve të zhvendosur është zvogëluar për më shumë se 80%.