Shiti veshkën për të blerë iPhone, i riu s’do të ngrihet kurrë nga shtrati

Pas një vendimi fatal në adoleshencë, një i ri kinez do ta kalojë pjesën e mbetur të jetës në shtrat. Wang Shangkun ishte 17-vjeç kur vendosi të shiste njërën veshkë në tregun e zi për të blerë një iPhone 4 dhe një iPad 2. “Ç’më duhen dy veshka?” tha ai asokohe. “Një mjafton”.

Shangkun shiti njërën veshkë në pril të 2011-s dhe si pasojë e kushteve jo sanitare në të cilën u krye ndërhyrja dhe mungesës së kujdesit mjekësor pas operacionit, veshka e mbetur e të riut doli jashtë funksioni. Sot, ai nuk mbijeton dot pa dializë të vazhdueshme.

Operacioni u krye nga dy mjek lokalë dhe Shangkun përfitoi 3,500 dollarë australianë për organin e shitur. Familja e tij jetonte në një prej provincave më të varfra të Kinës dhe s’i përballonin dot pajisjet që i riu kërkonte për t’u rënë në sy shokëve.