Situata në Santorini, autoritetet: Tërmeti kryesor s’ka ndodhur

Nga 2 shkurti deri në orët e para të datës 5, lëkundjet në zonën Santorini-Amorgos u intensifikuan edhe më shumë. Vetëm më 2 shkurt janë regjistruar mbi 1300 tërmete dhe më 3 shkurt mbi 1400. Në total, nga data 26 janar deri në mëngjesin e 5 shkurtit janë regjistruar mbi 6400 tërmete.

Më 2 shkurt kanë ndodhur 5 tërmete me magnitudë 4.5 ballë, më 3 shkurt 7 tërmete dhe më 4 shkurt 9 tërmete. Forca e tërmetit më të madh ka qenë 4.6 ballë më 2 shkurt, ndërsa më 3 dhe 4 shkurt kanë ndodhur tre tërmete me magnitudë 4.9-5 ballë të shkallës Rihter dhe katër të tjerë me magnitudë 4.8.

Siç raportohet nga shkencëtarët e Universitetit Kombëtar të Athinës, aktiviteti sizmik në zonën Santorini-Amorgos deri tani ka ndoshta karakteristikat e një tufe sizmike, pasi nuk dallohet asnjë tërmet me magnitudë qartësisht më të madhe se të gjithë të tjerët, që mund të karakterizohet si një tërmet kryesor.

Për më tepër, shkalla e lëkundjeve është në rritje, ndërsa sekuencat e pasgoditjeve karakterizohen nga një shpërndarje kohore në rënie e tërmeteve, me magnitudën e pasgoditjes më të madhe zakonisht më të vogël se 0.5 krahasuar me tërmetin kryesor.