S’kanë të sosur pakot-bombë në SHBA

Dy pako të reja, që mbanin adresën e senatorit amerikan Cory Booker dhe ish-drejtorit të Shërbimit të Inteligjencës, James Clapper, u gjetën të premten.

Pakoja e 11 u gjet në zyrat e një shërbimi postar në qytetin Opa-Locka të Floridës dhe mbante adresën e senatorit demokrat nga Nju Xhersi. Pakoja e 12 që mbante emrin e James Clapper, ishte dërguar në adresë të CNN.

Hetuesit federalë po kontrollojnë zyrat e një shërbimi të madh postar në Florida, pasi u përcaktua se të paktën një prej 10 bombave dërguar demokratëve dhe kritikëve të Donald Trump është nisur prej andej.

Hetuesit kanë besim se do të identifikojnë se kush është përgjegjës për dërgimin e dhjetë bombave.