Sulmi i Berlinit i qëllimshëm, Merkel: Akt i tmerrshëm

Kancelarja gjermane Angela Merkel tha se ishte e shokuar dhe shumë e trishtuar nga sulmi në tregun e krishtlindjeve të cilën ajo e quajti një akt të tmerrshëm dhe “do ketë ndëshkimin e merituar”

Policia e Berlinit tha se sulmi në tregun e Krishtlindjeve që la të paktën 12 të vdekur është bërë me qëllim.

Në një postimi në Twitter të martën në mëngjes, policia tha se sulmi në të cilin një kamion përplasi një treg në kryeqytetin gjerman është bërë me qëllim. Policia gjithashtu e quajti aksidentin një sulm të dyshuar terrorist.

Policia tha gjithashtu se personi i cili vdiq në kamionin që  u përplas me tregun e krishtlindjeve ishte një shtetas polak. Policia berlineze nuk dha shumë detaje për identitetin e personit.

Ndërsa pronari polak i kamionit tha më parë se kishte dyshime se automjeti mund të ishte rrëmbyer.

Nga ky sulm me kamion në tregun e krishtlindjeve mbetën edhe dhjetëra persona të plagosur.