Tensionet në Mesdhe dhe frika e një katastrofe, Greqia forcon ushtrinë

Vendi fqinj greqia, nga sa pohoi zëdhënësi i qeverisë, Stelios Pecas, do të rrisë numrin e ushtarëve dhe do të përmirësojë zhvillimin e industrisë së mbrojtjes. Athina dhe Qiproja greke janë vendosur në kurs përplasjeje me Ankaranë mbi të drejtat e kërkimit për hidrokarbure në Mesdhe.

Brukseli këmbëngul që zgjidhja e ngërcit të gjendet përmes negociatave, të dy palët vijojnë të demonstrojnë forcën me stërvitje ushtarake. Tensionet janë në maksimum, aq sa dhe vetë shefi i diplomacisë gjermane, Heiko Maas e ka pranuar se “mjafton një shkëndijë” që të shkaktojë katastrofe.

Greqia e kundërshton eksplorimin aktual të energjisë së Turqisë në Mesdheun Lindor, duke u përpjekur të përvijojë një territor detar të pretenduar nga Turqia bazuar në ishuj të vegjël pranë bregdetit turk.