Turistja britanike përshkruan momentin kur kamioni hyri në tregun në Berlin

Një turiste britanike, e cila ishte vetëm disa metra larg tregut të Krishtlindjes në Berlin ku hyri me shpejtësi një kamion, tha se ngjarja nuk “ishte një aksident”.

Emma Rushton kishte dalë në qytet mbrëmjen e sotme kur mjeti vrau të paktën nëntë persona e plagosi më shumë se 50 të tjerë.

Policia gjermane tha se incidenti mund të jetë një sulm terrorist.

Sipas Rushton kamioni po ecte me shpejtësi 64 km/h kur u fut në treg para se të ulte dritat e të përplaste klientët.

“Dëgjuam një zhurmë të madhe dhe pamë se si dritat e Krishtlindjes në të majtën tonë u tërhoqën poshtë, e një kamion hyri mes njerëzve dhe tezgave duke shkatërruar çdo gjë dhe më pas u bë errësirë.Kishte shumë ulërima e njerëz që bërtisnin.Tezga me verë u shkatërrua tërësisht. Njerëzit po çanin panelet e drurit për të dalë,” tha ajo për Sky News.