Udhëtonte drejt Armenisë, një incident avioni e detyron kryeministrin spanjoll, Pedro Sanchezin të bëjë ulje emergjente në Turqi

Delegacioni spanjoll që do të shkojë në samitin e Komunitetit Politik Evropian në Armeni do të kalojë natën në Ankara, njoftojnë mediat.

Aeroplani i kryeministrit spanjoll, Pedro Sánchez, u detyrua të bënte një ulje emergjente dhe të ndryshonte itinerarin e tij këtë të diel. Konkretisht, sipas burimeve nga Moncloa, “për shkak të një problemi teknik të paparashikuar”, avioni që e transportonte atë në Armeni për të marrë pjesë në samitin e Komunitetit Politik Evropian “u desh të ulej në Ankara”, kryeqytetin e Turqisë.

Sipas të njëjtave burime, delegacioni spanjoll do të kalojë natën në këtë qytet, përpara se të rifillojë udhëtimin për në Armeni këtë të hënë. Airbus A310 me të cilin udhëtonte Sánchez u nis nga baza ajrore Torrejón de Ardoz rreth orës katër të pasdites me qëllim që të arrinte në kryeqytetin e Armenisë, ku këtë të hënë do të takoheshin rreth pesëdhjetë udhëheqës të forumit ndërkombëtar.