Ulërima në bord, motori i aeroplanit shkatërrohet në qiell të hapur

Një fluturim i Frontier Airlines nga Las Vegas në Florida u desh që të kthehej të premten (30 nëntor) pasi një pjesë e motorit të tij u shqye gjatë fluturimit.

Avionit me 177 persona në bord, iu desh të bënte një ulje emergjente po në Las Vegas, pasi pjesa e jashtme që mbulonte motorin u nda në pjesë gjatë ngritjes.

Fotot dhe videot e bëra nga vetë pasagjerët tregojnë pjesën metalike që u shkëput pjesërisht nga trupi i Airbus A320, duke ekspozuar kështu motorin.

Duke e përshkruar incidentin për mediat, një nga personat në bord tha se u krijuan trazira dhe se pasagjerët ishin dukë ulëritur në panik.

Një tjetër pasagjer, Stella Ponce, tha së në ato momente i kishte shkruar vajzës për t’i thënë se e donte shumë.

Fluturimi Frontier 260 u nis për në Tampa në orën 7:12 me 177 pasagjerë dhe gjashtë anëtarë të ekuipazhit në bord dhe bëri një ulje emergjente, por të sigurt,  në Las Vegas. Sipas linjës ajrore nuk pati të lënduar.