Zelensky: Lufta Izrael-Gaza po “ia heq fokusin” konfliktit në Ukrainë

Lufta Izrael-Gaza po “ia heq fokusin” konfliktit në Ukrainë. Kështu ka deklaruar presidenti ukrainas, Volodymyr Zelensky.
Ai tha se ky ishte “një nga qëllimet” e Rusisë, e cila nisi një pushtim të plotë të Ukrainës në shkurt 2022. Dhe ai mohoi se luftimet në Ukrainë kishin arritur në një ngërç, pavarësisht një vlerësimi të fundit për këtë nga gjenerali më i lartë ushtarak i vendit.
Kundërofensiva e Ukrainës në jug deri më tani ka bërë pak përparim, duke shkaktuar frikë nga lodhja e luftës në mesin e aleatëve perëndimorë të Kievit.