Zgjedhjet në Lituani, garë e ashpër. Të gjithë me sy nga opozita

Edhe pse Covid-19 është aktiv dhe është ripërhapur në masë, Lituania po ecën përpara me zgjedhjet, ku po voton në raundin e parë të zgjedhjeve të përgjithshme, ku koalicioni qeverisës i qendrës së majtë mbron mënyrën si ka menaxhuar pandeminë, ndërsa garon me opozitën konservatore.

Sondazhet parashikojnë një garë të ashpër, me Unionin e Fermerëve dhe të Gjelbërve të qendrës së majtë të kryeministrit Saulius Skvernelis dhe me Unionin Atdhetar-Kristian Demokrat me 15% të votave.

Skvernelis premton hapjen e farmacive shtetërore në rang kombëtar dhe dhënien e një pensioni të trembëdhjetë për të moshuarit, në rast se rizgjidhet. Rivalja e tij konservatore, ish-ministrja e Financave, Ingrida Simonyte akuzon kryeministrin, se po drejton një administratë kaotike dhe populiste.