Presidenti Meta: Të bashkohemi kundër pushtimit nga një bandë oligarkësh që kanë uzurpuar institucionet

Thirrja e fortë publike e Presidentit Meta. Ilir Meta ka zhvilluar homazhe në Pezë, me rastin e 78 vjetorit të Konferencës së Pezës.

Nga Peza heroike e Luftës, Kryetari i Shtetit ka bërë thirrjen e madhe ku ka kërkuar hapur dhe pa asnjë hezitim se sot shqiptarët duhet të bashkohen kundër pushtimit nga një bandë oligarkësh që kanë uzurpuar institucionet.

Postimi i Presidentit Ilir Meta:

Pezë do të thotë Shqipëria mbi të gjitha!

Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar.

Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane.