Dosja “Azem Hajdari” hapet para zgjedhjeve, skenar politik apo rastësi?!

Dosja e Azem Hajdarit është hapur sërish, ndërsa për të dëshmuar mbi këtë ngjarje të bujshme është thirrur edhe ish-kryeministri e ish-presidenti i vendit Sali Berisha.

Pyetja shtrohet nëse kjo dosje sillet kastile para fushatës elektorale apo mbetet një rastësi. A është drejtësia që po i shërben Edi Ramës?

Ndërkohë gazetarja Klodiana Lala te news24 shprehet se Berisha do të thirret të dëshmojë në këtë proces, e do të pyetet për bisedën që ka pasur me Zenel Nezën, dëshmitar kyç në ngjarje dhe ish trupojë i Azem Hajdarit.

“Prokuroria dhe gjykata ka dhënë dënim për Izet haxhinë. Haxhia është i paraburgosur. Procesi ka nisur në procesin zero. Rezulton se Fatmir Haklaj është vrasësi, por ai është ekzekutuar dhe nuk ka përse gjykata të hyjë në këtë mes, pasi nuk ekziston personi që akuzohet.  Gjithçka ka ndodhur afër selisë së PD-së.

Zoti Berisha ka shkuar të vizitojë Zenel Nezën, truprojë i Azem Hajdarit. Ky është thelbi, duhet të dihet se çfarë është diskutuar e për këtë Berisha mund të thirret për t’u pyetur. Në këtë proces të ri, Prokuroria kërkon që Berisha të pyetet. Në listën e Prokurorisë janë edhe ish-deputetë të PD-së etj. Prokurori do të përpiqet të hetojë çështjen mbi bazën e prokurorëve paraardhësve”, deklaroi gazetarja Lala.