Në Elbasan në takimin elektoral Edi Rama theksoi ndër të tjera se drejtësinë e re e krijuam ne, me atë pavarësi që ka sot, pavarësi e cila shkon tek që po ndodh, ku po hetohen e arrestohen djathtas e majtas. Ne na vjen keq për tanët që janë nën akuza, por para drejtësisë janë të gjithë të barabartë.
Altin Dumani që është një njeri i drejtë, profesionist dhe i vendosur në luftën kundër së keqes, këtu ka qenë edhe përpara. Ka mbi 20 vjet a me shumë prokuror, por atëhere nuk e linte partia në pushtet të prekte lart sepse kështu ishte ndërtuar drejtësia. Sot Altin Dumani është popullor se po bën drejtësi, duke mos llogaritur kush është majtas apo djathtas.
Me tej kryeministri Rama shtoi se duhet votuar PS që SPAK dhe krejt sistemi i pavarur i drejtësisë të vazhdojë me dorë të hekurt kundër zyrtarëve të lartë dhe krimit të organizuar.
“Altin Dumani nuk erdhi nga hëna, ai këtu ishte! Ai është i ndershëm, profesionist. Por ne i dorëzuam shpatën dhe kokën pa mbrojtje”- deklaroi Rama.