Teksa bëhen 1 javë nga arratisja e Daut Lazes nga burgu i Shënkollit në Lezhë, policia e shtetit ende nuk ka rënë në gjurmë të tij.
Raportohet se deri më tani janë kontrolluar disa ambiente, banesa dhe xhami.
Një tjetër pikë ku janë orientuar kontrollet janë edhe mbi personat që e kanë takuar në burg apo kanë komunikuar me të.
Të njejta burime shtojne se një ditë para arratisjes Laze ka folur në kabinën telefonike me një person që policia e ka verifikuar por pa rezultat.
Nga kamerat e sigurisë rezulton se Daut Laze ka lënë ambientet e spitalit të burgut të Shënkollit dhe nëpërmjet një dere të vendosur në mur ka kapërcyer telat me gjemba.
Nga kontrolli i dhomës së Lazes mungojnë disa libra për të cilën dyshohet që i ka marrë gjatë arratisjes.