Kryeministri Edi Rama ka ndarë ditën e sotme disa pamje nga kantieri i punës në rrugën Shirokë – Zogaj, ku aktualisht është hapur traseja e rrugës nga pika kufitare me Malin e Zi.
“Në kantierin e punës në rrugën Shirokë – Zogaj, po punohet me ritme të shpejta, ku aktualisht është hapur traseja e rrugës nga pika kufitare deri në Zogaj.
Pjesa e fundit e rrugës Shirokë-Zogaj, pikë e re kufitare me Malin e Zi kalon mbi fshatin Zogaj, por hapet praktikisht si rrugë e re mbi një shteg ekzistues, ndërkohë që i gjithë segmenti nga Shiroka në vazhdim do të ketë edhe trotuar dhe korsi biçikletash”, shkruan Rama krahas pamjeve që sjell.
