Ka nisur këtë mëngjes mbledhja e Kryesisë së Partisë Socialiste, ku i pari në selinë rozë ka mbërritur kryetari Edi Rama. Raporton se me gjasë do të diskutohet edhe situata e krijuar pas vendimit të Bashkimit Europian për të mos hapur negociatat me Shqipërinë por kjo çështje nuk është parësorja për socialistët në mbledhje.
Pika kryesore në rendin e ditës janë zgjedhjet brenda Partisë Socialiste. Pas 30 qershorit, PS është përfshirë në zgjedhje të brendshme dhe faza e parë ka përfunduar. Tani pritet të nisë edhe faza e dytë, ndërkohë që deri në fund të muajit nëntor pritet të zgjidhen të gjithë kryetarët e PS-së në Shqipëri.
Pas mbledhjes së Kryesisë, Rama do të jetë në një tjetër mbledhje, kësaj here me kryeparlamentarin Gramoz Ruçi dhe kryetarin e Komisionit të Reformës Zgjedhore, Damian Gjiknuri, për të diskutuar pikërisht mbi hapat që do të ndiqen për realizimin e kësaj reforme.
