Shoqata Shqiptare e Bankave (AAB) ka dënuar aktet e dhunës dhe dëmtimet ndaj degëve bankare gjatë protestës së 14 tetorit në Tiranë, duke kërkuar nga institucionet përgjegjëse marrjen e masave për të parandaluar incidente të ngjashme dhe për të garantuar sigurinë publike.
Reagimi i plotë
Shoqata Shqiptare e Bankave dënon sulmet ndaj institucioneve financiare gjatë protestës së 14 tetorit në Tiranë dhe u bën thirrje autoriteteve të marrin masa për të garantuar sigurinë dhe vijimësinë e shërbimeve bankare. Shoqata u bën thirrje protestuesve të shmangin veprimet e dhunshme, ndërsa kërkon nga institucionet përgjegjëse të marrin masat e nevojshme për parandalimin e incidenteve të tilla. AAB ka një mesazh edhe për qytetarët që përdorin shërbimet bankare, duke i siguruar se marrëdhënia e tyre me bankat mbetet e pacenuar dhe e sigurt, pavarësisht ngjarjeve të ndodhura. Në deklaratë theksohet gjithashtu se mbrojtja e punonjësve dhe klientëve, respektimi i pronës private dhe garantimi i shërbimeve bankare janë thelbësore në çdo rrethanë.
AAB u bën thirrje pjesëmarrësve në protesta të shmangin çdo veprim të dhunshëm. Institucionet përgjegjëse të marrin masat e nevojshme për parandalimin e incidenteve të tilla dhe garantimin e sigurisë publike. Mbrojtja e punonjësve dhe klientëve, respektimi i pronës private dhe garantimi i vijimësisë së shërbimeve bankare janë thelbësore në çdo rrethanë. Sektori bankar siguron klientët se marrëdhënia e tyre me bankën mbetet e pacenuar dhe e sigurt, pavarësisht ngjarjeve të ndodhura. AAB mbështet të drejtën për protestë paqësore dhe shprehjen e lirë të kërkesave qytetare, në respekt të ligjit, sigurisë së qytetarëve dhe pronës publike e private. Reagimi vjen një ditë pas protestës së dhunshme të 14 tetorit në kryeqytet, ku për më shumë se 9 orë pati përplasje mes protestuesve dhe Policisë.