Shqipëria është ngritur në këmbë që pas rastit të abuzimit seksual të së miturës nga mosha 12 deri në 15 vjeç nga ish-roja e shkollës “Azem Hajdari” në Babrru. Pas protestës madhështore në Tiranë, Durrës, Vlorë, Sarandë dhe Korçë, tani edhe në Fier është mbajtur një protestë për “Fëmijërinë e Humbur”. Protestuesit në fjalë kanë marshuar në bulevardin kryesor të qytetit me parulla në duar, ndërkohë që një prej protestuesve është shprehur
“Nuk patëm mundësi ti bashkoheshim protestës në Tiranë dhe për shkak të kushteve të pandemisë vendosëm ta bëjmë këtë në qytetin tonë. Të gjithë ne luftojmë të dëgjohemi. Rastët janë të shumta edhe në Fier, sidomos në gjimnaze. Janë denoncuar, por nuk di si ka vijuar më tej. Vjet është abuzuar me një të mitur nga shtatë të rinj, të cilët janë liruar. Nuk është e mjaftueshme dënimi me një vit”.
Më herët janë raportuar për raste të ngjashme edhe ne Fier dhe kjo është një nga arsyet se përse janë ngritur në protestë. Ndërkohë gjatë ditës së djeshme për të njëjtën arsye kanë protestuar në Vlorë, Sarandë dhe Korçë, ndërsa të enjten në Tiranë.
