Në takimin e zhvilluar këtë të shtunë mes kryeministrit Edi Rama dhe banorëve të Durrës të prekur nga projekti TID, u rikonfirmua angazhimi për dëgjim, verifikim dhe përgjegjësi në çdo hap të procesit.
Deputeti i PS-së, Arkend Balla thotë se i njëjti qëndrim është mbajtur edhe gjatë dëgjesës në Komisionin për Kulturën, Turizmin dhe Diasporën, ku është diskutuar mbi ecurinë dhe shqetësimet e ngritura nga banorët.
Për të procesi do të vijojë me verifikimet për objektet me vlera të mundshme të trashëgimisë kulturore, shqyrtimin e situatave të regjistrimit të pronave, si dhe reflektimin ndaj referencave të reja për çmimin.
Postimi i plotë
Sot në takimin e Kryeministrit Edi Rama me banorët e Durrësit të prekur nga projekti TID, u rikonfirmua diçka thelbësore: do të ketë dëgjim, verifikim dhe përgjegjësi në çdo hap të procesit. Këtë qëndrim kam mbajtur edhe në dëgjesën në Komisionin për Kulturën, Turizmin dhe Diasporën. Procesi do të vijojë me:
verifikimet për objektet me vlera të mundshme të trashëgimisë kulturore
shqyrtimin e situatave të regjistrimit
reflektimin ndaj referencave të reja për çmimin.
Dialogu për ne është detyrim. Zhvillimi i Durrësit është obligim për ne.