Nëna e Alexei Navalny ka pohuar se ajo ka parë trupin e pajetë të të birit, thuajse një javë pas vdekjes së tij në një burg në Arktik. Ajo ka rrëfyer se është kërcënuar nga zyrtarët rusë pasi i treguan trupin e tij.
Lyudmila Navalnaya, 69 vjeç, tha se zyrtarët i thanë asaj se nëse ajo nuk pranon një funeral të fshehtë, ata do të “bëjnë diçka” me trupin e djalit të saj.
Në një video të postuar në YouTube, ajo akuzoi hetuesit rusë se e “shantazhuan” për të mbajtur një ceremoni mortore ndaj kritikun më të shquar të Putinit pa praninë e vajtuesve. “Ata po më shantazhojnë, duke më vendosur kushtet se ku, kur dhe si duhet të varroset Alexey”,-tha ajo.
