Në Gjykatën e Tretë të Krimeve të Rënda në Romë ka nisur procesi gjyqësor ndaj Mark Samson, i akuzuar për vrasjen e ish-të dashurës së tij, Ilaria Sula, studente shqiptare e cila u vra në mars 2025 në apartamentin e Samson. Trupi i saj u fut në një valixhe dhe u hodh në një zonë pyjore në periferi të kryeqytetit italian.
Prokurorët e Romës, të koordinuar nga zëvendësprokurori Giuseppe Cascini, kanë ngritur akuzat per: Vrasje me dashje dhe paramendim, motiv i kotë dhe marrëdhënie emocionale me viktimën dhe fshehje e kufomës.
Bazuar në provat e mbledhura, është kërkuar dhe miratuar gjykim i menjëhershëm për të pandehurin.
Në seancën e parë ishin të pranishëm i pandehuri Mark Samson dhe familjarët dhe miqtë e Ilarianes, të cilët mbanin një foto të saj dhe mesazhin “Drejtësi për Ilirianën”.
Sipas LaPresse, avokati i familjes së viktimës, Giuseppe Sforza, ka deklaruar se pozicioni i nënës së Mark Samson po finalizohet. Ajo akuzohet për:Bashkëpunim në fshehjen e trupit dhe pastrimin e gjakut nga vendi i krimit.
Asaj i është ofruar një marrëveshje prej dy vitesh burg në këmbim të pranimit të fajësisë.
“Familja e Ilarias po e përjeton këtë moment me shumë tension dhe trishtim,” tha avokati Sforza. “Ata kërkojnë drejtësi, por janë të vetëdijshëm se asnjë vendim gjykate nuk mund të zbusë dhimbjen që do t’i shoqërojë gjithmonë.”