-Sasia e këtyre mbetjeve në Vlorë, për shkak të alarmit që kanë ngritur mediat do të kthehen sërish në Itali ose do asgjësohen në mënyrë të sigurt. Çështja është se sa ngarkesa të tilla kanë hyrë në Shqipëri? Sa mbetje të rrezikshme janë groposur në Vlorë apo qytete të tjera dhe deri në çfarë mase janë implikuar institucionet në këtë aferë?
-Mësohet se prokuroria ka nisur dje hetimet për të zbardhur ngjarjen që ka shkaktuar një panik të madh të banorët. Dyshimet janë se pas skandalit të disa fuçive fshihet një skemë e mirëfilltë mafioze e trafikut të lëndëve kimike. Mediat italiane kanë publikuar dje informacione edhe më shqetësuese. Kompanitë që kryenin transportin nga Italia drejt Vlorës rezultojnë se kanë kryer më shumë se 15 rrugë të tjera në të njëjtën linjë.
Denoncimi i disa qytetarëve për një ngarkesë në tragetin e linjës Brindizi-Durrës ka zbuluar një nga skandalet më të mëdha të viteve të fundit. Policia bllokoi në tragetin “Sant Damian” një sasi të madhe lënde kimike që dyshohet se është amiant. Disa fuçi dhe materiale që në dokumente cilësoheshin materiale ndërtimi, sipas njoftimit zyrtarë të Policisë së Shtetit “dyshohet se kanë mbetje të rrezikshme e të dëmshme për mjedisin dhe shëndetin e njeriut”. Laboratori i analizave në Tiranë ende nuk ka nxjerrë një konkluzion zyrtar se për çfarë lënde kimike bëhet fjalë. Por nëse rezulton, siç dyshon policia se materialet ishin amiant, atëherë kemi të bëjmë me një nga mbetjet më të rrezikshme kancerogjene. Ngarkesa e bllokuar lidhet me një agjenci të menaxhimit të mbetjeve, një agjenci transporti dhe një agjenci pastrimi anijesh. Pronarët e tre agjencive janë arrestuar, si dhe drejtuesit e tragetit që kanë lejuar lëndën kimike të dyshuar. Mësohet se prokuroria ka nisur dje hetimet për të zbardhur ngjarjen që ka shkaktuar një panik të madh të banorët. Dyshimet janë se pas skandalit të disa fuçive fshihet një skemë e mirëfilltë mafioze e trafikut të lëndëve kimike. Mediat italiane kanë publikuar dje informacione edhe më shqetësuese. Kompanitë që kryenin transportin nga Italia drejt Vlorës rezultojnë se kanë kryer më shumë se 15 rrugë të tjera në të njëjtën linjë. Nëse verifikohet se lëndët janë kancerogjene, kemi të bëjmë me një alarm kombëtar. Lëndë kimike si amianti dhe substanca të tjera janë të ndaluara të hyjnë në Shqipëri për shkak të rrezikut që kanë në shëndetin e njerëzve. Po ashtu janë të ndaluara të transportohen në kushte si ato të trageteve. Përvoja italiane tregon se lëndë të tilla të rrezikshme dërgohen në vende të botës së tretë për t’u groposur ose për tu fundosur në det. Skema e veprimit në Itali njihet si e ashtuquajtura “mafia e plehrave”.
Organizatat mafioze italiane zgjedhin shtete si Shqipëria për të larguar mbetjet kimike të biznesit, kundrejt parave që marrin. Kjo veprimtari është më kriminalja dhe në Itali ka raste pa fund ku organizatat mafioze janë përfshinë në skemën e “zhdukjes” së lëndëve kimike. Dyshimet e parë flasin se një skemë e tillë është përdorur edhe në Shqipëri. Mbetjet e amiantit dhe lëndëve të tjera të rrezikshme kimike nuk mund të shpërbëhen, por mundet vetëm që të groposen. Firmat që janë nën hetim në Vlorë dyshohet se mund të kenë kryer groposjen e të tjera dërgesave nga Italia në qytetin e Durrësit. Drejtuesit e kompanive në Vlorë mohuan se bëhej fjalë për lëndë kimike dhe se janë marrë me groposjen e tyre, por derisa institucionet shtetërore ende vijojnë hetimet, kjo do të thotë se dyshimet nuk janë të pabaza. Deri dje Vlora ishte lidhur vetëm me trafikun e drogës dhe skafet që çojnë ngarkesën drejt brigjeve italiane. Skandali i mbetjeve që po hetohet flet për një nivel të ri kriminaliteti, mafien e plehrave. Autoritetet pranojnë se kemi të bëjmë me mbetje kimike, të cilat kanë qenë në anije pa asnjë dokument shoqërues. Pra, skema e fshehjes së mbetjeve ka nisur që në Itali dhe vetëm ketë herë u kapë falë denoncimit qytetar. Sasia e këtyre mbetjeve në Vlorë, për shkak të alarmit që kanë ngritur mediat do të kthehen sërish në Itali ose do asgjësohen në mënyrë të sigurt. Çështja është se sa ngarkesa të tilla kanë hyrë në Shqipëri? Sa mbetje të rrezikshme janë groposur në Vlorë dhe deri në çfarë mase janë implikuar institucionet në këtë aferë?
Këto pyetje duhet ti sqarojë prokuroria e Vlorës.
Mili Xhani