Presidenti i SHBA, Donald Trump dhe Departamenti i Shtetit kanë paralajmëruar sot sanksione të ashpra kundër Turqisë. Zyrtarët e lartë amerikanë folën për një sërë masash që do merren në arenën ndërkombëtare ndaj Turqisë, për shkak të burgosjes së pasorit amerikan, Andrew Brunson. Prifti Brunson u arrestua në Stamboll, në vitin 2016, me akuzën për pjesëmarrje në grushtin e shtetit në Turqi. Ende sot ai vijon të mbahet në arrest shtëpie dhe pavarësisht apeleve të SHBA lirimi i tij nuk është bërë i mundur nga Turqia.
Pas disa negociatave të dështuara për lirimin e qytetarit amerikan, SHBA është hedhur në ofensivë diplomatike duke paralajmëruar tensionimin e marrëdhënieve.
Ditën e sotme, Donal Turmp tha se sanksionet do të jenë të ashpra ndaj Turqisë. “Shtetet e Bashkuara do të vendosin sanksione të mëdha ndaj Turqisë për burgosjen e gjatë të Pastor Andrew Brunson, një njeri i madh i krishterë, familjar dhe qenie e mrekullueshme njerëzore. Ai po vuan shumë. Ky njeri i pafajshëm i besimit duhet të lirohet menjëherë!”,- deklaroi presidenti Trump në Twitter.
Të njëjtin qëndrim mbajti dhe Zëvendëspresidenti Mike Pence dhe Sekretari i Shtetit, Mike Pompedo, të cilët folën për “sanksione domethënëse”. Arrestimi i një kleriku dhe qytetari amerikan nga Turqia është cilësuar si çështje dinjiteti edhe nga ana e demokratëve në kongresin amerikan. Propozimi për sanksione ndaj Turqisë pritet të sjellë përkeqësim të marrëdhënieve mes dy vendeve, të cilat vitet e fundit kanë pasur jo pak lëkundje.
Por sherri SHBA-Turqi do të shkaktojë dhe ndryshime në rajon dhe konkretisht në Shqipëri. Qeveria “Rama” njihet si një aleate e qeverisë turke. Edi Rama gjithashtu njihet si një mik personal i presidentit turk Rexhep Tayyp Erdogan. Sanksioneve amerikane për Ankaranë do të vendosin në pozitë të vështirë Edi Ramën dhe qeverinë e tij për qëndrimin që do të mbajë.
Në rastet e sanksioneve të mëparshme, ndaj vendeve të tjera, SHBA ka kërkuar që gjithë aleatët e saj në organizatat ndërkombëtare , përfshi dhe Shqipërinë, të zbatojnë të njëjtat masa. Një përshkallëzim i tillë i situatës do të vërë Edi Ramën përballë një dileme të vështirë. Do të bëhet me Donald Trump apo me Rexhep Tayyp Erdogan?
The United States will impose large sanctions on Turkey for their long time detainment of Pastor Andrew Brunson, a great Christian, family man and wonderful human being. He is suffering greatly. This innocent man of faith should be released immediately!
— Donald J. Trump (@realDonaldTrump) July 26, 2018