Agron Gjekmarkaj, pedagog në Universtitetin e Tiranës dhe komentator politik në ‘Real Story’ me Sokol Ballën në Vizion Plus, është takuar në Itali me Antonio Tajanin, presidentin e Parlamentit Europian dhe koordinator kombëtar i Forza Italia. Gjekmarkaj ka qenë i ftuar nga Forza Italia, në një takim për zgjedhjet europiane në Rieti dhe Tajani ka qenë një ndër të pranishmit.
Në një bisedë të shkurtër, 7 minutëshe, pedagogu e ka prezantuar politikanin e lartë me pikëpamjet e tij mbi ngjarjet politike dhe krizën në Shqipëri. ‘Mos e lini Edi Ramën ta vrasë opozitën në Shqipëri’, tregon Gjerkmarkaj se i tha Tajanit.
I kontaktuar nga Politiko.al, Gjekmarkaj tha se Tajani i ka bërë me dije se është në korent dhe po i ndjek ngjarjet në Tiranë. Pa harruar të shtojë se Europa tani ka dy probleme në duar, zgjedhjet për Parlamentin Europian dhe Brexit.
