Një aksident rrugor është shënuar mesditën e sotme në rrugën e Arbrit në vendin e quajtur “Ura e Vocit”, ku dy makina janë përplasur me njëra-tjetrën dhe për pasojë është aksidentuar rëndë një person.
Aksidenti është pikasur nga drejtuesit e mjeteve të tjera të cilët udhëtojnë në këtë aks rrugor ku dhe kanë njoftuar policinë dhe ambulancën.
Menjëherë në vendngjarja ka shkuar policia dhe ambulanca të cilët kanë bërë të mundur dërgimin e të plagosurit në spital, ku më pas kanë nisur edhe hetimet rreth kësaj ngjarje.